Adelaine van Zyl, ‘n oudskolier van Hoërskool Parys, is sedert Woensdag in die intensiewe sorgeenheid in die Eugene Marais-hospitaal in Pretoria.
Adelaine ly aan Sclerosteosis (meer bekend as Marmerbeen siekte), ‘n genetiese siekte waarmee sy gebore is en wat beengroei aan tas met been wat verdik (teenoorgestelde van Osteoperose).
Die 30-jarige Adelaine het verskeie operasies al ondergaan en ook haar gehoor verloor as gevolg van die siekte. In Januarie vanjaar het sy begin om ook haar sig te verloor en verlamming begin ervaar. Sy is sedert sy Woensdag opgeneem is, geopereer om die drukking op haar brein te verlig, maar kon dokters nie die probleem oplos nie.
Hoewel sy moedig terugveg is daar niks wat dokters nog vir haar kan doen nie.
Bid asseblief vir hierdie jong mamma en dapper vrou wat ten spyte van haar gesondheid ‘n geloofspad van onwrikbare deursettingsvermoë tot dusver geloop het.
