Laerskool Dagbreek se o13-Sewes rugbyspan het onlangs ander spanne in die omgewing tydens ‘n kragmeting uitgestof.
Die skool het teen Laerskool Fochville, Laerskool Losberg van Fochville en Laerskool Blyvooruitsig in die Verre Wes Sewes kompetisie deelgeneem.
Dagbreek het as die kampioene van die kompetisie uit die stryd getree. Van die skool se spelers, Danie Kok, Jan van Niekerk, Jaden Baase en Dandre Schönfeldt is boonop as Spelers van die Wedstryd tydens die onderskeie kragmetings aangewys.
“Ons is super trots op ons rugbyhelde,” sê die skool se woordvoerder, Colene Rudolph.