Jaguars presteer in die Vrystaat

Die Jaguars het Saterdag, 9 September aan die 10’s rugbykompetisie wat tydens die Wilgiefees by Hoërskool Wilgerivier in Frankfort gehou is, gaan deelneem.
Spanne van onder meer Frankfort, Heilbron, Goudveld en Bethal het kragte gemeet.
Die kompetisie, wat DRDGOLD as hul grootste borg gehad het, was iets besonder aangesien dieselfde reëls as vir die sewes-kompetisie vir die 10’s gegeld het. Die MCR Jaguars het hul egter nie deur die ongewone formaat
laat terugsit nie en het met die algehele tweede plek weggestap.