Eureka Park se inwoners maak self skoon

Inwoners van die munisipale woonkompleks vir bejaardes, Eureka Park, moes onlangs self daar skoonmaak.

Volgens die nuwe voorsitter van die Bejaarde Komitee, Georgie Britz, het hulle onlangs dié taak self aangepak nadat die munisipaliteit dit nie gedoen het nie.

Britz sê ‘n inwoner, Burrie Britz, het sy sleepwaens geleen om die gemors weg te ry terwyl die voormalige voorsitter, Jan Esterhuizen, ook gehelp het om van die gemors weg te ry.

“Ons wil ook die publiek bedank vir kos en koeldrank wat hulle afgelewer het vir ons bejaarde mense wat vir drie dae skoongemaak het,” sê Britz.