Local newsNews
Vermeende bankrowers op die N14 naby Carletonville doodgeskiet
Die Valke en verskeie ander wetstoepassers het gistermiddag verskeie vermeende bankrowers doodgeskiet wat vermoedelik van plan was om ‘n bank in die Carletonville-omgewing te beroof.
Volgens die Valke se woordvoerder, Kolonel Katlego Mogale, het hulle inligting ontvang dat ‘n groep verdagtes in ‘n silwergrys Toyota en ‘n wit VW Polo in die omgewing van verskeie banke in Carletonville rondgery het.
Die groep is agtervolg en is later op die N14 op pad na Ventersdorp vasgetrek.
Toe die kriminele besef het dat hul afgetrek word, het hulle op die wetstoepassers begin skiet. In die proses is vyf van die verdagtes, wat tussen 25 en 35 jaar oud is, doodgeskiet. ‘n Vrou wat ook deel van die groep was, is gearresteer.
Die skelms se voertuie word met drie ander voorvalle in Groblersdal, Secunda en Hercules verbind.
Stay in the know. Download the Caxton Local News Network App here.