Rowers slaan weer in Carletonville se sentrale sakegebied toe

‘n Werknemer by ‘n klein dobbelhuis in Emeraldstraat was Sondagaand omstreeks 23:30 aan diens toe twee onbekende mans skielik instap.

Hulle het ‘n mes uitgeruk en die 25-jarige werknemer gedreig. Ander personeel het toe met die rowers begin stoei, maar die booswigte het daarin geslaag om hul hande op twee geldkiste te kry.

Hulle het die geld in die kiste gegryp en weggehardloop.

Gelukkig is niemand beseer nie.