Gemeenskap begin weer by Fochville substasie saamdrom

‘n Groot groep inwoners van Kokosi het die afgelope uur begin om voor Fochville se hoof elektriese substasie saam te drom. Volgens berigte is van hulle selfs met taxi’s daar afgelaai.

Sover vasgestel kan word, wil hull verhinder dat die krag na Fochville weer om 18:30 aan die einde van die huidige beurtkrag-sessie aangeskakel word.

Lede van AfriForum se buurtwag, sowel as die polisie is tans op die toneel.

Inwoners van Fochville is reeds op sosiale media gewaarsku om daarvoor voorsiening te maak dat hulle elektrisiteit nie na beurtkrag aangeskakel gaan word nie.

Hierdie is ‘n ontwikkelende storie.