Suksesvolle sakeman en hoenderplaas-patriarg oorlede

‘n Potchefstroom legende en een van Suid-Afrika se suksesvolste sakemanne, John Fourie (75), is vanoggend (Dinsdag, 16 Mei) oorlede.

John was welbekend as die besturende direkteur van Fourie’s Poultry Farms ook bekend as Chubby Chick in Potchefstroom.

Hy het in 1969 as besturende direkteur van die familiebesigheid oorgeneem en dié pos beklee tot met sy afsterwe.

Een van sy seuns, Deon, het die nuus van sy afsterwe aan die Herald se susterkoerant Potchefstroom Herald bevestig.