Local newsNews
Geen hulp van Merafong met probleem-erwe
Inwoners in die suidelike deel van Fochville sit met hul hande in hul hare oor verskeie oop erwe.
Volgens bekommerde inwoners is die oop erwe in veral Siebertstraat ‘n groot probleem. Nie net lyk dit soos ‘n oerwoud nie, maar mense gooi ook hul huishoudelike rommel daar.
Die erwe is al só oorgroei dat onwettige plakkers met tye daar probeer intrek.
Die Herald het vandag die Merafong City Plaaslike Munisipaliteit oor die probleme gekontak.
Volgens die munisipale woordvoerder behoort die erwe aan privaat eienaars en moet dié eienaars die blaam en verantwoordelikheid vir die probleme dra.
