Local newsNews
Man se liggaam in Carletonville gevind
Die polisie is op soek na inligting na die liggaam van 'n onbekende blanke man hierdie week in Carletonville gevind is.
Die man se erg ontbinde liggaam is Dinsdagaand (7 November) omstreeks 19:10 in Kleimstraat die nuwe industriële gebied gevind.
Die veld waar die man se liggaam ontdek is, is reg oorkant die Staatslykshuis.
Sover vasgestel kan word, is die man gereëld voor sy dood in die omgewing gesien.
Die oorledene het ligbruin of blonde hare gehad en het ‘n blou kortbroek aangehad. ‘n Grys baadjie met ‘n kappie het langs hom in die veld gelê.
Enige iemand wat dink hulle weet wie die man is, moet sersant Wynand Kruger by 065 968 9630 skakel.
You can read the full story on our App. Download it here.
