Henry Gouws, die klub se visevoorsitter, het onlangs sy SADSAA (South African Deep Sea Angling Association) kleure in snawelvis hengel verwerf.
Hy is ook gekies as kaptein van die span om Suid-Afrika by die nasionale swaargerei-kampioenskap te verteenwoordig. Dié kampioenskap word in November in Sodwana gehou.
Intussen is Janes Wasserman as kaptein van die meesters-span wat ook tydens dieselfde nasionale kampioenskap sal meeding, gekies.
Nóg ‘n Dorado-lid, Jaco Hendriksz, is as kaptein van die Protea span gekies wat ons land in April volgende jaar by die wêreldkampioenskap sal verteenwoordig.
Dié byeenkoms word in die Kaap Verdiese Eilande aangebied.
Dié eilande is in die Noord-Atlantiese Oseaan, langs die westelike kus van Afrika geleë.
