Die bakkie het neus eerste in ‘n sloot tot stilstand gekom. Foto’s: Verskaf.
Die Herald se susterskoerant, vaalweekblad, berig van ‘n ernstige ongeluk wat as gevolg van die reën ontstaan het.
Net na 07:30 het Yolandi Vermeulen se Chev-bakkie naby die Arcon Heightswoonstelle gegly en deur ‘n heining gebars, voordat dit neus eerste in ‘n sloot tot stilstand gekom het. Geskokte omstanders was verlig toe sy lewend uit die voertuig gehaal is. Haar man, mnr. Bazel Vermeulen van Motor Medix, was ook vinnig op die toneel en het haar eers in sy bakkie gelaai voordat sy per ambulans hospitaal toe geneem is.
Daar is eers gedink dat haar beserings minder ernstig van aard is, en sy is ontslaan. By die huis het sy egter baie pyn ervaar en is sy in die hospitaal opgeneem vir toetse en observasie. Daar is toe gevind dat sy bloeding op die brein het, asook ‘n gebarste oor en verskeie kneusplekke.
Yolandi kan nie onthou wat gebeur het nie, maar Bazel sê die vermoede bestaan dat sy dalk te hard rem getrap het op die nat pad en die bakkie toe gegly het. Die bakkie is onherstelbaar beskadig.
Hier is ‘n skakel na die oorspronklike artikel:
