Huisrowers skiet Carletonville inwoner in been

Die inwoner was omstreeks 20:23 saam met sy twee dogters in hul huis in Agnewweg. Hulle het kuiergaste gehad en die inwoner het saam met hulle na sy hek toe gestap om hulle af te sien.

Die inwoner het teruggestap huis toe en sy net sy deur toemaak toe twee rowers by die deur instorm. Hy het met die mans begin stoei om te keer dat hulle toegang tot die huis kry.

Een van die rowers het egter ‘n vuurwapen uitgeruk en die inwoner in sy knie geskiet.

Sy benoude dogters het hulleself in die huis toegemaak maar die rowers het die deur oop forseer en toe die gesin se platskerm televisiestel gegryp. Hulle het toe weggehardloop.