Die hemel se sluise het gistermiddag, Sondag, 2 Januarie, behoorlik in Potchefstroom oopgegaan met tussen 70-100mm reënval wat deur verskeie inwoners oor ‘n tydperk van 4 ure gemeet is.
Video: ReënvalSA/Facebook
Nie net was dit ‘n stormagtige reënbui nie, maar hierdie hoeveelheid water het ook die N12 tussen Potchefstroom en Klerksdorp versper wat verkeer erg ontwrig het.
Die reënwater het in erwe ingestroom en grasperke in tydelike klein “damme” verander.
Wasgoedspruit se walle was ook oorvol na die reënval, terwyl die Mooirivier ook behoorlik gevloei het.
Die SAPD, verkeersdepartement, brandweer sowel as rampbestuur raai motoriste aan om versigtig te moet wees op die N12 weens hierdie oorstromings.
* Potchefstromers kan foto’s van die storm en die ligging daarvan na wouter.pienaar@media24.com stuur vir publikasie.
Hier is ‘n skakel na die oorspronklike berig:
Potch(oor)stroom na hewige reënval | Potchefstroom Herald
