Daar is sedert Saterdag na Pieter Wilders (30), ‘n verkoopsman van Kemptonpark en kranige hengelaar, gesoek nadat hy spoorloos verdwyn het.
Pieter se ouma, Alet Joubert, wat in Oranjeville woon en by wie Pieter en sy verloofde Ronel Vermeulen Saterdagmiddag gaan kuier het, het vertel dat Pieter Saterdagmiddag met visstokke op sy boot geklim om vis te gaan vang.
Pieter, Alet se man, James Moore, en sy stiefbroer, Attie Lombard, sou glo langs die oewers deurnag om vis te vang. Terwyl Attie en James agtergebly het is Pieter met die boot weg.
Volgens Ronel het hy ‘n “wader”, ‘n soort visvangpak, aan gehad toe hy op die boot geklim het.
Sy ouma het Dinsdagoggend aan Vaalweekblad bevestig dat sy liggaam 10:00 gevind is.
Hy is oorlede.
Sy wou nie verdere besonderhede verstrek nie.
“Ek kan nie in hierdie toestand met jou praat nie. Ons kan later praat,” het sy versoek.
Daar word vermoed dat Pieter in die water geval het.
Intussen stroom medelye reeds vir Wilders se familie in op sy Facebook-blad.
“With sadness i have to say RIP my klein rooi kop…hardest sentence for me to type. Love you always and forever…” skryf sy tannie Lynette Cornelius wat in Nieu-Seeland bly.
Here is a link to the original article:
https://vaalweekblad.com/86899/hengelaar-se-liggaam-gevind/
