Vanjaar se Rotara Kersmark afgestel

Volgens die skool se adjunkhoof, me. Marinda Robbertse, is dit weens die Covid-19 pandemie.
“Dit gaan die eerste keer in meer as 10 jaar wees wat ons nie die mark kan hou nie. Ons harte is seer!
“Ons leerders was weens dié pandemie vir ‘n geruime tyd nie by die skool nie.
“Daar was dus geen produksie van produkte nie,” sê sy. Robbertse voeg by dat wanneer die leerders wel gaan terugkeer, klasse ook net 50% vol gaan wees.
Dit het tot gevolg dat daar nie tyd is om genoeg produkte vir die mark te maak nie. Die mark word jaarliks aan die begin van November gehou om geld vir die skool in te samel.
Sy het die gemeenskap vir hul jarelange ondersteuning bedank en belowe dat daar volgende jaar weer ‘n mark sal wees.