‘n Man is Sondagoggend, 16 Junie, omstreeks 06:00 op die R53 (Ventersdorp-pad), in Potchefstroom gekaap.
Volgens kapt. Mvula Chaka, polisiewoordvoerder, was die man besig om te bestuur toe ‘n blou BMW skielik oor die pad ‘n U-draai gemaak en reg voor sy motor stilgehou het. Twee mans met vuurwapens het uitgeklim en na hom gehardloop.
Hulle het in sy motor geklim waarna hy gedreig is. Hulle het hom forseer om tot by die Eleazerpad te ry. Daar het hulle hom uit sy motor uit gegooi, hom vasgemaak, ‘n kombers oor hom gegooi en met sy motor gevlug.
Die man kon hulp van die polisie kry. Nog niemand is in hegtenis geneem nie en die motor is nog nie opgespoor nie.
