Na ’n afwesigheid van meer as vyf maande is Lefra weer op die planke met vier produksies by Carnival City se Applause, en bied die volgende paar weke ’n verskeidenheid komedies en keurige musiek aan.
Mathys Roets skop die Lefra Applause-konserte met Reën op 18 September om 7nm af.
Op 19 September is Wynand van Vollenstee in Groet die Grotman 2 te sien om 6.30nm.
Rocco de Villiers vermaak aanhangers met sy produksie, Kortbroek, Langkouse, op 11 Oktober om 3nm, en sangeres Helene Bester bring hulde aan die ikoniese Nana Mouskouri op 17 Oktober om 7nm.
Daar word streng by alle Covid-19-protokolle gehou en besoekers word daaraan herinner om hul maskers saam te neem.
Frans Swart, besturende direkteur van Lefra Produksies, het gesê dat Lefra baie opgewonde en dankbaar is om terug te wees met lewendige teater.
“Ons het regtig ’n moeilike tyd deurgemaak tydens die inperking. Lewendige teater is ons lewensaar en dit is wonderlik om terug te wees met teaterproduksies van topgehalte.
Lees: Pieter Smith en Christo Snyman bring hulde aan Groep 2 in Lefra Kelderkonsert
“Ons moet steeds ons gehore tot baie lae getalle beperk. Dit beteken egter dat alle ondersteuners wat hierdie vertonings bywoon ’n goeie en persoonlike ervaring met die kunstenaars sal hê, ’n luukse wat jy nie in die toekoms sal ervaar nie,” het Swart gesê.
Besprekings vir al die applouskonserte kan gedoen word by Computicket.
Navrae oor bespreking vir groter groepe kan aan Monica Booysen by 011 815 3000 gerig word, of stuur ’n e-pos na admin@lefra.com
Die volgende Covid-19-protokols is in plek wanneer jy Carnival City besoek:
• Gesondheidsvraelyste word deur elke persoon by alle ingange voltooi en jou temperatuur sal gemeet word.
• Elke gas moet sy of haar identiteitsdokument of MVG-kaart by die ingang toon.
• Elke gas moet ‘n masker dra en sy of haar hande ontsmet by die ingange.
• Binne die venue sal sosiale distansiëring gehandhaaf word.
• Alle drankies sal geseël wees as dit bedien word.
• Alle kos sal bedek wees as dit bedien word.
Het jy ‘n storie?
Stuur ‘n e-pos aan: Thelma Koorts (Redakteur) brakpanherald@caxton.co.za
of Stacy Slatter (Nuus Redakteur) stacys@caxton.co.za
of Miné Fourie (Joernalis) minev@caxton.co.za
Onthou om die Brakpan Herald te volg op die volgende sosiale media platforms:
For more #hyperlocal news at your fingertips, visit Springs Advertiser, Boksburg Advertiser, Benoni City Times, African Reporter
