Ek voel dat dit tyd is vir die inwoners van Brakpan, wat elke dag by die Weltevreden plakkerskamp verby ry, om drastiese stappe te neem.
My voorstel is dat ‘n petisie opgetrek word en dat daar ‘n rekening gestig word, waarin ons maandelikse diensgeld betaal kan word.
Sodoende kan ons die owerhede dwing om na ons te luister. Wanneer die plek skoongemaak word kan ons weer begin betaal.
Die feit dat die munisipalitiet nie plek het om die mense te skuif nie is hulle probleem. Waar die plakkers nou is, is ook nie wettig nie. Ons dorp, Brakpan, lyk soos ‘n varkhok.
Dit is nou tyd om die munisipaliteit te dwing om na Brakpan se belastingbetalers te luister en sodoende die dorp weer leefbaar en skoon te maak en skoon te hou.
