Kayla, die opkomende musikant en dogter van die gospelsangeres, Benice Borman, was opgewonde om haar eerste enkelsnit, Rooi Rok, op 1 September op alle digitale platforms bekend te stel.
Hierdie energieke lied, geskryf deur die talentvolle William Wolf, is ‘n viering van vreugde en dankbaarheid.
Rooi Rok is ‘n lied wat vir Kayla baie betekenis het.
Sy het dit gekies omdat sy ‘n groot bewonderaar is van William Wolf se skryftalent. Met hierdie enkelsnit, wil Kayla haar passie vir musiek met Suid-Afrika deel.
“Ek hoop die lied bring soveel vreugde en opwinding aan die luisteraars soos dit vir my gee,” het Kayla, gesê.
LEES OOK: Recognition of SASL to open doors to the deaf
Kayla is vasbeslote om haar familie, wat in Brakpan woon, se musikale erfenis voort te sit en haar eie merk in die musiekbedryf te vestig.
‘n Musiekvideo vir Rooi Rok sal binnekort beskikbaar wees, waarin Kayla se talent en energie op treffende wyse vasgevang word.
Die video sal ‘n visuele vertolking wees van die lied se vreugdevolle en aansteeklike aard.
Kayla nooi almal uit om deel te wees van hierdie opwindende reis en om na Rooi Rok te luister op die digitale platforms.
“Dit is ‘n lied wat jou sal laat glimlag, dans en diep in jou hart sal raak,” sê Kayla.