Local newsNews
Stoffies se Stoffel het afgetree, nuwe gelukbringer neem oor
Die leerders sal deur middel van ‘n kompetisie die nuwe gelukbringer se naam kies.
Met die aftrede van die Hoërskool Stoffberg se voormalige hoof, Koos Boshoff, het die skool se geliefde gelukbringer, Stoffel, ook gegroet om te gaan rus.
Met die hulp van borge onder die leiding van Monique van Zyl, Lynette Goody en Elize Steenkamp, is ‘n nuwe gelukbringer onlangs aan die skool deur ‘n reeks kreatiewe kort films bekendgestel.
Die kort films is verfilm deur Adriaan ten Napel.
Die naam vir hierdie gelukbringer sal eersdaags bepaal word deur ‘n kompetisie onder die leerders van Stoffberg.
