Local newsNews
Die Anker wen krieketwedstryd met 698 lopies
Anker se Matthew Smith en Joshua Kaltwasser het ingeklim met die kolf.
Hoërskool Die Anker se eerste krieketspan het Saterdag ‘n Platinum ligawedstryd teen Springs Boys High gespeel en ‘n weghol oorwinning beklink.
Die Anker het eerste gekolf en ‘n astronomiese 750 lopies aangeteken in 50 boulbeurte met slegs sewe paaltjies plat.
Matthew Smith het 241 lopies geslaan van slegs 75 balle.
Hy het saam met Joshua Kaltwasser ‘n vennootskap van 354 lopies aangeteken.
Kaltwasser het self lustig gekolf en 168 lopies gemoker. Springs Boys High het al 10 hul paaltjies vir slegs 52 lopies op die telbord verloor.
Vir Die Anker het Quintin Mamayo en Jaco Janse van Vuuren elk vyf paaltjies laat kantel.
Die Anker wen die wedstryd met 698 lopies.
LEES OOK: Dalwers presteer op verskeie vlakke
