Pretorianers maak harte oop vir Karlien
Vier atlete, wat aan die skool verbonde is, het ook 25km aangedurf en die ouers en gemeenskap kon hulle per kilometer borg.
’n Kleuterskool in Pretoria, Kleutergenot, het Saterdag ’n virtuele pretloop, wat vir Karlien Roets (5) gehou is, goed ondersteun.
Die kleuterskool het moeite gedoen en talle ouers, personeel en kinders van Kleutergenot het saam gestap en gedraf.
Die deelnemers het almal ook die roete met ’n pienk ballon aangedurf ter bewusmaking van Karlien se uitdagings.
LEES OOK:
Karlien se ouers bly hoop ten spyte van uitdagings
Die kleuter is in 2018 met breinbeserings gelaat toe ’n kombuiskas in haar ouerhuis op haar geval het.
“Ons het gehoop vir meer inskrywings, maar ons is baie dankbaar vir elke persoon wat die moeite gedoen het om aan die virtuele pretloop deel te neem,” het Karlien se ma, Karen, gesê.
“Elke bydrae, hoe gering ook al, help en ons sal nooit genoeg kan dankie sê nie.
“Ek het te hore gekom van die moeite wat die kleuterskool doen en ek het besluit om Saterdag saam met hulle te gaan stap,” het Karen bygevoeg.
Vier atlete, wat aan die skool verbonde is, het ook 25km aangedurf en die ouers en gemeenskap kon hulle per kilometer borg.
Karen het in ’n onlangse onderhoud met die Herald gesê dat daar gereeld tekens van beterskap by Karlien te bespeur is.
“Ons besef dat die pad vorentoe nie ’n maklike een gaan wees nie, maar ons sal nooit moed opgee of ophou hoop nie,” het Karen gesê.
Have a story?
Contact the newsroom by emailing: Thelma Koorts (editor) brakpanherald@caxton.co.za or Stacy Slatter (news editor) stacys@caxton.co.za
Remember to visit the Brakpan Herald on the following social media platforms:
Follow us:
