Charné van Emmenis, ’n model van die Younique Modelling Academy in Boksburg, het onlangs die Junior Miss Tourism South Africa titel ingepalm.
Miss Tourism South Africa word jaarliks aangebied deur Pageants SA en is ’n uitstekende geleentheid vir hardwerkende jong meisies wat graag ’n verskil in hul gemeenskap wil maak.
Dié beeldskone model het reeds ’n verskil begin maak toe sy vier jaar gelede haar eie liefdadigheidsorganisasie, Charné’s Comfort Teddy, begin het.
Sy versamel sagte speelgoed reg deur die jaar wat sy dan vir kinders wat terminaal siek is, uitdeel.
Die talentvolle model het agt titels agter haar naam en het ook groter drome vir haar modelloopbaan.
Sy strewe daarna om Suid-Afrika by die Miss Universe-kompetisie te verteenwoordig en ook dié geleentheid dan te gebruik om minderbevoorregtes te help.
Die mooi blondekop se ma, Rika, is haar rolmodel en Charné streef daarna om ’n sterk vrou te wees wat haar waardes en norme ken, nes die voorbeeld wat haar ma vir haar stel.
Lees: VIDEO: Natalie verstom die Filippyne met haar skoonheid
Volg ons:
For more #hyperlocal news at your fingertips, visit Springs Advertiser, Boksburg Advertiser, Benoni City Times, African Reporter
