Verkiesingsdag is uiteindelik hier en derduisende mense sal vandag hul kruisies gaan maak.
Brakpanners het dou voor dag reeds by die 14 verskillende stemlokale in die dorp aangekom om hul stemme uit te bring.
By die stempunt by Hoërskool Die Anker het ‘n lang ry vroegoggend reeds gevorm.
Bonita van der Walt, wat in Brenthurst woon het gesê dat sy en haar man, Willem besluit het om vroeg te gaan stem omdat hulle die res van die dag net rustig wou verkeer.
“Ons was net voor 7vm hier en toe was die ry reeds lank maar ons gaan maar geduldig wees en wag,” het Bonita gesê.
“Die gewag is nie so erg nie, die koue pla meer. Ek voel jammer vir die mense wat nie warm aangetrek het nie, “ het sy bygevoeg.
Volg ons:
For more #hyperlocal news at your fingertips, visit Springs Advertiser, Boksburg Advertiser, Benoni City Times, African Reporter