Die bestuur en personeel van die Ces’t la Vie Day Spa in Dalpark het verlede Donderdag (26 April) besoek gebring aan die inwoners van die Ebenhaeser Tehuis vir Bejaardes asook die Eventide Tehuis.
Gina du Bruyn (links) en Petro Jansen, wat inwoners van die Ebenhaeser Tehuis is, het die besoek en bederf geniet.
Ellamé Truter, wat ook onder die besoekers was, het die inwoners se harte gesteel. Sy sit hier op Gerzina van Wyk, wat ’n inwoner van Ebenhaeser is, se skoot.Saam met ’n groepie vrywilligers is die inwoners van die twee tehuise heerlik bederf met hand- en voetmasserings. Verversings is bedien en daar is vir die inwoners gesing. Op die foto (van links) is: Chantal Muller, Francina Dhlamini, Bongi Masilela en Nicolette van Vuuren, almal van die Ces’t la Vie Day Spa.