Senior leerders van die Laerskool Brakpan-Oos het onlangs, tydens die skool se prysuitdeling, erkenning vir hul toewyding en prestasies gedurende die jaar ontvang.
Wisseltrofeë vir die beste prestasie in Afrikaans en Engels is aan (van links): Nadia Swart (graad vier), Chelle-Marie Shoeman (graad vyf). Morgan Bruinette (graad ses) en Karien Du Plessis (graad sewe) toegeken.
Die leerders wat wisseltrofeë vir die beste prestasie in wiskunde ontvang het is (van links): Taylon Nagel (graad vier), Chelle-Marie Schoeman (graad vyf), Lee-Ann Kruger (graad ses) en Karien Du Plessis (graad sewe).
Leerders wat in sosiale wetenskappe uitgeblink het en sodoende ook wisseltrofeë ontvang het is (van links): Lianell Van Aardt (graad vier), Chelle-Marie Schoeman (graad vyf), Jeanette Kruger (graad ses) en Karien Du Plessis (graad sewe).
Wisseltrofeë vir uitstekende skoolprestasie asook akademiese erekleure is aan (van links): Lianell van Aardt (graad vier). Chelle-Marie Schoeman (graad vyf), Morgan Bruinette (graad ses) en Karien Du Plessis (graad sewe) toegeken.
Wiseeltrofeë vir die beste prestasie in natuurwetenskappe/tegnologie het gegaan aan (van links): Lianell Van Aardt (graad vier), Chelle-Marie Schoeman (graad vyf), Morgan Bruinette (graad ses), Karien du Plessis (graad sewe vir natuurwetenskappe) en Jason Van Eeden (graad sewe vir tegnologie).
Karien du Plessis (links, graad sewe) het die wisseltrofee vir beste prestasie in lewensoriëntering en ekonomiese wetenskappe ontvang. Die wisseltrofee vir beste prestasie in skeppende kunste het aan Elané Engelbrecht (graad sewe) gegaan.
Leerders wat wisseltrofeë vir die beste prestasie in lewensvaardighede ontvang het (van links): Nadia Swart (graad vier), Denise Mong (graad vyf) en Jeanette Kruger (graad ses).
Fiena Skosana (links) is as die leerlingraadslid van die van die jaar aangewys, Chinika La Grange het die toekenning vir die beste prestasie in kultuur ontvang en sy is ook as Oosie van die jaar aangewys. Karien Du Plessis is die Dux leerder van die jaar.
