Leerders aan Laerskool Die Arend het die tweede termyn op ’n hoë noot afgesluit toe daar verlede Vrydag ’n entrepreneursdag by die skool gehou is.
Chanelle Homan (links) en Marcelle Jansen se stalletjie het die MC Spookstalletjie geheet en hulle was ook in die kol met hulle uitrustings.
Interessante en kleurvolle stalletjies was oral te sien en daar is lekker gewoeker.
Zoë Muller (links) en Sharminique Breytenbach se lekkergoedstalletjie, Lekkerville, het gesorg dat die soettande na willekeur kon koop.
Christopher Morgenrood het die oggend geniet.
Waina Louw het haar gesig by een van die entrepreneurs laat verf.
Jennifer-Amber McKenchnie het vir haar ‘n mooi ballon aangeskaf.
