Hoërskool Die Anker en Olympia Park Skool in Springs het verlede week aan mekaar verloof geraak.
Dié inisiatief is deur Olympia Park Skool begin met die gedagte om ‘n interskole sosiale aksie aan die gang te kry, sodat onderwysers van skole mekaar kan leer ken.
Die Anker sal nou weer op hul beurt ‘n ander skool nader om aan hulle verloof te raak.
Olympia Park Skool het baie moeite gedoen. Die tafels was feestelik gedek en almal het ‘n geskenkpakkie ontvang, met ‘n ete.
Die musiek vir die verlowingspartytjie is deur “12 Boor” verskaf en die reuse verloofring is deur Eddie Norton van Olympia Park gemaak.
Personeel van beide die skole het lekker saam gekuier en die verlowing goed gevier.
