Nicole de Bruyn, ’n 12-jarige leerder aan Laerskool Môrewag, het onlangs met groot welslae aan die Suid-Afrikaanse hengelkampioenskappe te Bloemhof dam deelgeneem.
Die Brakpan-Noord inwoner was die enigste meisie wat gekies is om Sentraal Gauteng te verteenwoordig by die Suid-Afrikaanse Vars Oewer Federasie (SAVOF) toernooi.
Die toernooi het uit twee dae van oefen, drie dae SA’s en twee dae SA Minnies bestaan.
Nicole het deur en deur bewys dat sy kan hengel en het saam met die o-13 Sentraal Gauteng-span goud verwerf teen 11 ander provinsies wat 66 hengelaars ingesluit het.
By die SA Minnies het die jong hengelaar op albei dae ’n eersteplek behaal waar sy haar SAVOF klere verwerf het.
Lees: Anker leerder blink uit in droë hengel kampioenskap
Op die nuutste o-13 Nasionale SA rangorde lys, wat meisies en seuns insluit, het Nicole ’n negende plek gehaal uit 97 hengelaars in Suid-Afrika.
Dit gebeur nie sommer dat Nicole nie ’n vis aan die hoek kry nie.
Oor die toernooi van vyf dae het sy 88 visse uit die water getrek met ’n totale massa van 53.66kg.
Die kranige hengelaar vang nou al kompeterend vir drie jaar en het dié talent beslis by haar pa, Kobus de Bruyn (53), gekry wat ook ‘n SAVOF hengelaar is.
Sy het van ’n jong ouderdom af gereeld saam met Kobus gehengel waar die gogga (of is dit nou die vis) gebyt het.
Die grootste en swaarste vis wat die jong meisie al ooit gevang het was ’n barber wat 16.25kg geweeg het.
Het jy ‘n storie?
Stuur ‘n e-pos aan: Thelma Koorts (Redakteur) brakpanherald@caxton.co.za
of Stacy Slatter (Nuus Redakteur) stacys@caxton.co.za
of Miné Fourie (Joernalis) minev@caxton.co.za
Onthou om die Brakpan Herald te volg op die volgende sosiale media platforms:
For more #hyperlocal news at your fingertips, visit Springs Advertiser, Boksburg Advertiser, Benoni City Times, African Reporter
