Afriforum lede fokus op noodhulp
Afriforum Brakpan-tak se Gemeenskapsveiligheideenheid (GVE) het Saterdag ’n noodhulp (Vlak Een) opleidingsgeleentheid aangebied.
Jacques Scheepers van JES Safety Consultants, wat die kursus aangebied het, het tydens die geleentheid ook met Ian Beresford, forumhoof: Gemeenskapsveiligheid, ontmoet en verskeie opsies word nou bespreek om verdere opleiding te fasiliteer.
Heelwat van AfriForum Brakpan-tak se GVE lede, en lede uit GPF Boksburg-Noord, het na afloop van die kursus gekwalifiseer en sal eersdaags hul geakrediteerde sertifikate ontvang.
“Wat vir AfriForum Brakpan-takbestuur ook baie bemoedigend was is die gesonde deelname van AfriForum jeuglede wat aan die opleiding deelgeneem het,” het Drummond Doig, takondervoorsitter gesê.
Lees ook: AfriForum se massapatrollie goed ondersteun
“Met die feesseisoen wat op hande is sal díe GVE lede baie beter toegerus wees om in situasies bystand te lewer wat voorheen baie beperk sou wees,” het Doig bygevoeg.
Doig het ook vir Pieter Willemse van Labour Law en Samantha Labuschagne, eienaar van Medley House, vir hul betrokkenheid by die opleidingsgeleentheid bedank.
AfriForum Brakpan-takbestuur kan by brakpan.afriforum@gmail.com gekontak word rakende aansluiting en deelname.
Volg ons:
For more #hyperlocal news at your fingertips, visit Springs Advertiser, Boksburg Advertiser, Benoni City Times, African Reporter
