Diewe het gisteraand by ‘n huis in Brakpan-sentraal toegeslaan, waar drie honde gif ingegee is en ‘n motorfiets daarna gesteel is.
Die inwoners van die huis in Hastingslaan was weg vir die langnaweek en is vanoggend vroeg ingelig van die skade.
Volgens Bets Serfontein (50) moes die diewe vanoggend in die vroeë oggendure toegeslaan het.
“Drie van ons honde het gif ingekry en ons moet nog kyk of die diere gered kan word,” het sy gesê.
Die gesin het by ‘n oord naby die Vaaldam gekamp en is deur ‘n gesinslid ingelig van die diefstal.
“Die diewe moes die Boulevard oor voertuie gelig het om die uit ons erf te kry,” het Serfontein gesê.
Die registrasienommer van die wit en rooi motorfiets is CM07RB GP.
Persone met inligting kan Serfontein se dogter, Lourinda Marcus by 0845105398 kontak.
Lees ook:
Motorfietsongeluk eis oud-inwoner
Huisrowers bind jong man vas, steel na hartelus
Moet nie slaplê met basiese veiligheidsmaatreëls nie
Volg ons: