Een uur van jou tyd kan ’n verskil in iemand se lewe maak
Solidariteit Helpende Hand se Gauteng Suid streek is dringend opsoek na vrywilligers wat die behoeftiges in hul gemeenskap kan help.
“Ons het vrywilligers nodig om die boodskap van hoop uit te dra na mense wat dit nodig het, na mense wat ’n stem nodig het en om verligting te bring aan bejaardes asook om toekomshoop te skep vir kinders,” het Adele Kruger, streeksorganiseerder van Gauteng Suid gesê.
“Ons het tans 15 vrywilliger gedrewe take wat ons wil versterk sodat ons gemeenskappe soos, Brakpan, Springs, Nigel, Sasolburg, Carletonville, Westonaria en Randfontein, waar ons verteenwoordiging nodig het, kan bystaan,” het Kruger verduidelik.
“Ons fokus op die verligting, verbreking en voorkoming van Afrikaner armoede en maak staat op ons gemeenskappe om ons inisiatiewe en projekte te ondersteun,” het Kruger gesê.
Sy het versoek dat belangtellendes, wat selfs net een uur per week ’n hart vir die weerloses het, haar kontak by 079 881 3338 of per e-pos by adele@helpendehand.co.za
