Duisende kolwyntjies bring hoop vir kinders met kanker
Die kolwyntjies is deur vrywilligers gebak en geskenk aan die welsynorganisasie, Cupcakes of Hope.
![](https://images.caxton.co.za/wp-content/uploads/sites/27/2018/10/IMG_3797_14331.jpg)
Duisende keurig versierde kolwyntjies het Saterdag, op nasionale kolwyntjiedag, tafels by die Mall@Carnival laat kreun en inkopiegangers na hul asems laat snak.
![](https://images.caxton.co.za/wp-content/uploads/sites/27/2018/10/IMG_3792_94317-520x390.jpg)
Die kolwyntjies is deur vrywilligers gebak en geskenk aan die welsynorganisasie, Cupcakes of Hope, om vir R10 aan die publiek verkoop te word.
Lees ook: Leerders maak harte oop vir kinders met kanker
Die organisasie beywer hom vir die bewusmaking en geldinsameling vir kinders met kanker.
![](https://images.caxton.co.za/wp-content/uploads/sites/27/2018/10/IMG_3796_70081-520x390.jpg)
Volgens inligting is 6 000 kolwyntjies Saterdag by die Mall@Carnival verkoop, wat gesorg het dat ’n bedrag van R60 000 aan Cupcakes of Hope geskenk kon word.
![](https://images.caxton.co.za/wp-content/uploads/sites/27/2018/10/IMG_3790_32927-520x390.jpg)
Personeel en leerders van die Sonneveld Akademie was vanjaar betrokke by die projek en het as hoofkoördineerder opgetree.
Die gebeurtenis het gelyktydig regoor Suid-Afrika in 79 winkelsentrums plaasgevind.
’n Totale bedrag van R2 065 807 is op die dag vir Cupcakes for Hope ingesamel.
Volg ons:
For more #hyperlocal news at your fingertips, visit Springs Advertiser, Boksburg Advertiser, Benoni City Times, African Reporter