Die Boksburg Rugbyklub het 66-12 verloor teen Vereeniging in ‘n Presidentsliga-stryd wat op PG Park op 6 April uitgespook is.
Renier Mostert, Boksburg se voorsitter, het gesê dit was ‘n moeilike dag op kantoor vir die span.
“Vereeniging het baie goeie rugby gespeel. Hulle het baie punte aangeteken van die foute wat ons gemaak het,” het Mostert gesê.
Tog gaan die span nie in sak en as gaan lê na die nederlaag nie.
“Die seisoen is nog lank en die afrigters weet waaraan om te werk. Ek vertrou die afrigters en spelers kan die skip nog omdraai. ‘n Liga word nie in April gewen of verloor nie.”
Lees Ook: Springs trap oor ERU
Lees Ook: ERU benodig steeds finansiële bystand