Jansen het 45-13 teen Hoërskool Kempton Park gewen.
Dis die derde wedstryd van die TuksSkole-Reeks wat die eerstes onoorwonne is.
Hul voorafgaande wedstryde was teen Rustenburg en Garsfontein.
In die wedstryd teen Kempton Park het Ruben Beytel, EG Jansen se losskakel, twee drieë van die agt gedruk.
Jansen het al die vaste fasette oorheers en het ’n groot impak gehad op die verloop van die westryd.
Jonathan O’Neil het gedomineer by die afbreekpunte en Dylan Schwartz en Franco van Eeden het weer geskitter in hulle vryespel.
EG Jansen het gewys dat hulle nie onderskat moet word nie – ’n gedugte span met ’n sterk fondasie.
“Ons sien uit na die halfeindstryd volgende naweek teen Hoërskool Nelspruit. Ons is hierdie jaar reg om ver te gaan,” het Antonie Snyman, afrigter van die eerstespan gesê.