Die Oos-Rand Sakevroue het weer hierdie jaar gesorg vir ‘n onvertgeetlike jaareindfunksie op 10 November by Summer Place.
Die sakevroue kon die jaar op ‘n hoogtepunt afsluit met die sanger en liedjieskrywer Christoph Kotze, ook bekend as Appel, wat gaste vermaak het.
Appel het die gaste op hulle voete gehad. Hy het liedjies gesing soos Lemoene, Jagter, Nonna, Foute en Sal jy bly, wat hy vir Theuns Jordaan geskryf het.
Die sanger, wat ook al trefferliedjies geskryf vir kunstenaars soos Karlien van Jaarsveld en Bok van Blerk het verduidelik hoe Jordaan hom gehelp het met sy loopbaan.
“Ek glo steeds hy is die beste manlike kunstenaar wat die land nog ooit gesien het,” het Appel gesê.
Na die vertoning het Appel se aanhangers tougestaan vir foto’s en handtekeninge.
Nog ‘n hoogtepunt van hierdie stylvolle geleentheid, waar mans ook verwelkom is, was die driegangmaaltyd.
Verder het die gaste teruggekyk na die jaar wat verby is en genetwerk.
Gaste wat deur die jaar die sakevroue toegespreek het sluit in Mike Bolhuis, Gretha Wiid en Ilze Steenkamp van Tjoko Paint.
Om dinge op te kikker het die sakevroue ook ‘n jenewer (gin) proe by The African Spirit Distillery gehou en die Benoni Lakes Bowling Club besoek.
Die sakevroue sal volgede jaar weer terug wees met ‘n opwindende program.
Om deel te word van die Oos-Rand Sakevroue, kontak Karen Herbst by Karen.herbst@sanlam4u.co.za
Lees Ook: Hospice East Rand name change imminent
Lees Ook: Talentvolle Tobi Jooste vemaak Oosrand Sakevroue
