Laerskool Concordia se Graad Sewe leerders het onlangs hul skool in styl vaarwel toegewens.
Die afsluiting het met ‘n saalopening begin. Daarna het die leerders deur ‘n spesiale hekkie in die skool geloop om hul era by die skool af te sluit.
In 2019 het dié nuwe tradisie by skool begin waar Graad Een leerlinge deur die hek stap om amptelik deel te word van die skool. Die leerders stap dan weer uit die hek as hul hulle laerskoolloopbaan by Concordia voltooi het.
Charel Blignaut, hoof van die spogskool, het ‘n kragtige boodskap aan die leerlinge oorgedra en die Graad Sewes sterkte toegewens vir die toekoms.
Verder het van die leerders hul pette in die lug gegooi wat die vreugde van die leerlinge se graduering van laerskool simboliseer.
LEES OOK: Hier is Laerskool Concordia se nuwe leiers
LEES OOK: #Concordiabloedskenk: skenk hierdie maand bloed by Concordia
