Afrikaanse vervaardiger, skrywer, rolprentresensent en radio omroeper, Leon van Nierop was die gasspreker.
Van Nierop het die dames teruggeneem na die dae waar sy loopbaan in die Afrikaanse filmbedryf begin het en verskeie staaltjies van toeka tot nou meegedeel.
Gaskunstenaars, Gerrit van Wyk en Jan Coetzer, ook bekend as ‘Just the two of us’, het die dames met ’n bietjie kabaret vermaak.
Op die trekklavier het van Wyk die dames ook meegevoer na lande soos Duitsland, Rusland, Frankryk en Las Vegas met komposisies eie aan daardie spesifieke land.
Tussendeur al die opwinding, was ’n heerlike ontbyt aan die dames voorsien.
As ’n simboliek van die klub se verjaarsdagvieringe, was daar ’n gelukkige trekking wat vir ’n aantal dames die voorreg besorg het om nie leë hande huistoe te gaan nie.