NewsSchool sportSchoolsSport
Twee Oosies verwerf SA kleure in Judo
Gedurende die April-vakansie het twee Hoërskool Oosterlig leerlinge aan ’n judo-kompetisie en opleidingskamp in Skotland deelgeneem.
Kayla Kruger (graad agt) en Shandra Roodt (graad nege), is in Februarie vir die Suid-Arikaanse Judospan gekies, om in April aan die Sportif Internasionale Judo-kompetisie en kamp deel te neem.
Hulle het Saterdag, 4 April, in Edinburgh, Skotland, aan die internasionale kompetisie deelgeneem, waar deelnemers van verskeie Europese lande, sowel as van Noord-Amerika, teenwoordig was.
’n Opleidingskamp is gehou, waar judokas vir drie dae deur Olimpiese medalje-wenners opgelei is.
Die twee judokas gaan ook, in Junie, in Leipzig, Duitsland, saam met ’n span van Gauteng Judo, aan ‘n kompetisie deelneem.
