Benoni AfriForum kry die werk gedoen

AfriForum se Benoni tak het onlangs hul lede ingespan in ‘n poging om die stad se voorkoms te verbeter.
Hulle het vyf projekte aangepak wat onder andere gefokus het om slaggate in Uys Straat reg te maak.

Ander ondernemings het die sny van oorgroeide sypaadjies, die skoonmaak van Lanyon brug asook die verwydering van ongemagtige advertensie borde ingesluit.

“Ongeveer 60 sakke teer is gebruik om die slaggate in Uys Straat reg te maak,” sê Dewet Ungerer, AfriForum se distrikskoördineerder vir die Oos Rand.

“Die oorgroeide gras langs die paaie het aaklig gelyk en het ook skuil plek gebied aan kriminele elemente.

Hy sê dat projekte soos dié wys dat gemeenskappe wat proaktief saam werk, die stad se voorkoms dramaties kan verander en misdadigers se werksaamhede belemmer.

“Lede van die publiek het met die inisiatief vorendag gekom en ons is trots om geaffilieer te word met projekte wat die vooruitgang en verbetering van die gemeenskap bevorder

Vir meer inligting oor AfriForum Benoni tak se werksaamhede of om betrokke te raak, stuur ‘n epos na benoni@afriforumtak.co.za.

LEES OOK: AfriForum Benoni brings joy to children, elderly

LEES OOK: AfriForum makes Colin House safer with a clean up