Rocco de Villiers met kortbroek, langkouse by Carnival City

Pianis en vermaaklikheidster Rocco de Villiers het die afgelope 22 jaar 13 instrumentale CD’s, drie “Best of”-versamelalbums van sy werk vrygestel, twee koffietafelboeke, ’n DVD en 35 instrumentale verhoogproduksies geskryf en vervaardig. 

Sy onlangse albumvrystelling is Kortbroek, Langkouse, en dit is Lefra se eerste Applous-konsert op 11 Oktober om 3nm by die Mardi Gras-teater, Carnival City.

In sy unieke styl wys Rocco hoeveel pret jy kan hê met klaviermusiek en ’n paar skreeusnaakse stories tussenin. Kortbroek, Langkouse is vermaak vir almal, want Rocco speel alles – Music Box Dancer, Chariots of Fire, Ballad for Adeline en Amazing Grace. 

Rocco het ook onlangs ’n CD vrygestel met Jim Muller se Keurspele. 

Rocco het gesê dat dit wonderlik is om terug te wees op die regte egte verhoogplanke. 

“Almal van ons in die vermaaklikheidsbedryf is deur ’n rowwe tyd, maar nou is ons terug en ons vra ons aanhangers om ons nou te kom ondersteun. Daar is niks soos ware lewendige teatervermaak nie.”

Bespreek nou vir Lefra se Applouskonserte in die Mardi Gras-teater by Carnival City by Computicket. 

Besoek hulle webblad by www.computicket.com of skakel 0861 915 8000. 

Vir groepbesprekings en navrae skakel Monica Booysen by 011 815 3000 of stuur ’n e-pos aan admin@lefra.com
Vir meer ingligting besoek www.lefra.com