ALBERTON – Vir besoekers wag daar ‘n sterbelaaide program, met bekende kunstenaars.
Dan is daar die braaikompetisie en verskeie ander buitelug aktiwiteite vir oud en jonk, ‘n snuffelmark waar die meerderheid stalletjies handgemaakte items verkoop, buiteluguitstallers, die verskillende 4×4 roetes, ‘n pretloop – noem dit, dit is daar.
Gaskunstenaars sal as volg optree:
* Vrydag: Lizelle Smit, Zane, Karen Ferreira, Wicus van der Merwe, Snotkop, Elvis Blue, en daarna word daar tot laatnag gekuier saam met Henk Grimsell.
* Saterdag: Waldo Lotz, Nic Stevens, Jennifer Zamudio, Elvis se Seun, Jak de Priester, Wicus van der Merwe, Christo en Cobus, Nadine, Kurt Darren en Emo Adams & Band.
* Sondag: Willie Joubert, Dewald Gous, Adam, Broers en Riana Nel.
Met al hierdie aktiwiteite gaan die honger en dors beslis groot wees en ‘n groot verskeidenheid kosstalletjies beloof om iets vir elkeen se smaak te bied.
By die Watergat kan jy jou dors gaan les. So maak nou al jou dagboek skoon vir ‘n feesnaweek van Vrydag, 29 Mei, tot Sondag, 31 Mei.
Kaartjies is reeds by Computicket beskikbaar, teen R100 vir dieVrydag, R150 vir die Saterdag, R50 vir Sondag en R200 vir ‘n naweekkaartjie. Kinders onder 12 jaar se toegang is gratis.
Vir meer inligting, besoek die Klipkoppiefees Facebookblad, of hul webwerf by www.klipkoppiefees.co.za, en hou hierdie spasie dop vir tye en meer besonderhede.