Laerskool President Steyn reik uit na Budding Beans
Budding Beans Daycare het onlangs besoek van Laerskool President Steyn ontvang.
Louise Combrinck van Budding Beans Daycare was verheug om besoek van Laerskool President Steyn te ontvang.
Die sentrum het skenkings van die skool ontvang. Laerskool President Steyn het ‘n dromkruipstruktuur en ‘n klim- en hangstruktuur vir die kinders geskenk.
“Budding Beans is in 2019 met net drie kinders geopen en dit het goed begin optel totdat Covid ons getref het.
Ons het baie kinders verloor en finansieël swaargekry, maar met gebede en geloof het ons deurgekom.
“Die Here het ons geseën en ons moed gegee om voort te gaan. Ons het tans 63 kinders met net ’n binnenshuise speelgrond,” het Louise gesê.
Sy het gesê hulle het toe besluit om met ‘n buitelugspeelgrond te begin sodat kinders ook daar kan speel.
“Hiervoor benodig ons fondse en skenkings, waarvoor ons ook skenkingsvorms aan ouers gestuur het om ons te help, maar dit was nie ‘n sukses nie en Laerskool President Steyn het ons gehelp met ‘n paar toestelle waarop ons nog gaan uitbrei. Ons kort nog heelwat fondse en skenkings vir speelgrondtoerusting,” het sy gesê.
Indien jy wil bydrae tot die dagsorg, kontak Louise Combrinck by 072 236 6721.
