Die Mnr en Mej Rantie-deelnemers het op 27 en 28 Mei by Doxa Deo-kerk die gehoor en beoordelaars met hulle persoonlikhede asook modelvaardighede betower.
Die aanstaande modehere en -dames het met hulle pragvere vanuit die modeboetiek gepronk en die gehoor daarvan oortuig dat die Rantievere wel die voël maak.
Eugene Nel en Dominique Burger het afsonderlik as gaskunstenaars by hierdie spogaande opgetree en het hulle uitstekend van hul taak gekwyt.
Brendan Nel, Nadia Veldman, Leandra Voster, Jeanna Bissett en Nesisa Moyo (Miss Universe Africa 2019) was eersteklas beoordelaars by hierdie twee geleenthede.
Lorent de Jager en Leora Höll is tydens die senior kompetisie as Mnr en Mej Ranties aangewys.
Eerste prins en prinses was Matthew Barkowitz en Mardi Barkhuizen en Nathan Pucjlowski en Vené Oosthuizen was as tweede prins en prinses gekroon.
Adriano Goncalves en Ané Potgieter het weggestap as Mnr en Mej Fotogenies.
Tydens die Mnr en Mej Rantie Junior het Wandré Joubert en Ziané van Staden met die titels weggeloop.
Kian Lewis en Mia van Rooyen was as eerste prins en prinses aangewys terwyl Aiden Delport en Kaydee Nel as tweede prins en prinses aangewys was.
Mnr Persoonlikheid was Juvan Kingbel en Mej Persoonlikheid was Emily Herbst. Mnr Fotogenies was Keagan Myburg en Dehané Fleming was as Mej Fotogenies aangewys.
Mnr en Mej Hartjie was Cooper Harrison en Milah Bosch.
Die Mnr en Mej Persoonlikheid titels is aan Jean Pieterse en Hayley van Rooyen oorhandig.
Matthew Bothma en Iné Nieuwoudt was as Mnr en Mej Hartjie gekies.
“Baie dankie aan juffrou Richards vir al die puik reëlings en twee suksesvolle aande. Dankie aan mevrou Gerber en die bestuur wat ons ondersteun het,” het Micheal Prinsloo, skakelbeampte, gesê.
