DIE bekende Afrikaanse sangeres van Alberton, Marlene Vermaas, het op 1 Desember by The Art Farm met ’n lang lys van wonderlike Kersfees liedjies opgetree.
Met die bystand van haar verloofde, Shaun Welgemoed, wie as klankman ingestaan het, het Marlene vanaf 6nm tot 9nm Kersfees behoorlik afgeskop en pragtige Kersfeesliedjies gesing.
Uit meer as 40 liedjies wat sy gesing het, het ’n paar van hulle ingesluit: Joy to the World, Little Drummer Boy, Mary’s Boy Child, We Wish You a Merry Christmas, Jingle Bells, Klokkespel, Kersfeestyd, Come All Ye Faithful en Oh Holy Night.
Marlene het die laasgenoemde liedjie gesing toe die son gesak het en die groot Kersboom se liggies aangekom het.
“Dit was soos ’n sprokieswêreld,” het sy gesê. “Dit was so mooi. Almal was verlief op die liggies. Elke nou en dan het ’n paartjie by die boom gaan dans.”
Marlene gaan een maal per maand by The Art Farm optree, tot en met Junie 2019. Die REKORD sal lesers ingelig hou oor haar volgende optrede.
For free daily local news in the south, visit our sister newspapers Alberton Record, Comaro Chronicle, Southern Courier and Get it Joburg South Magazine.
Remember to visit our Facebook, Twitter and Instagram pages. You can also email our offices on cvdwalt@caxton.co.za, juliem@caxton.co.za or luckyt@caxton.co.za
Get regular news updates sent directly to your inbox: Newsletter-Signup