Aftree-Oord se biblioteek word 10
Hier’s op die volgende 10 jaar vir die Oord se biblioteek en die betowering wat al sy stories vir die inwoners sal bring.
ALBERTON Aftree-Oord se biblioteek het op 13 September sy 10de verjaarsdag gevier. Natuurlik het die Oord ’n byeenkoms daarvan gemaak, ’n kaas en wyn aand.
Almal het stylvol aangetrek en hulself in die biblioteek met ‘n drankie in die hand tuisgemaak, voordat ’n paar belangrike gaste spreukbeurte gekry het.
Ds Willie Badenhorst het geopen, almal verwelkom en die geleentheid gebruik om vir God en almal te bedank wat die biblioteek destyds moontlik gemaak het. Hy het ook dankie gesê vir al die leesstof wat deur gawe mense oor die jare aan die biblioteek geskenk is.
Hierna het Dawie Botma ’n boodskap voorgelees wat die biblioteek van die ATKV af ontvang het. Hulle het gesê, onder andere, dat die Alberton Aftree-Oord se biblioteek die beste leeskring het wat hulle ken, en dat dit ’n voorreg is om so ’n liefdevolle-bestuurde biblioteek te kan waarneem.
Almal het applous gegee nadat die toesprake gelewer is. Daarna was dit tyd om aan die heerlike kos te smul en die wyn te geniet. Die tafels was só pragtig versier. ’n Mens kon sommer die liefde en moeite daarin sien.
Hier’s op die volgende 10 jaar vir die oord se biblioteek en die betowering wat al sy stories vir die inwoners sal bring.
For free daily local news in the south, visit our sister newspapers Alberton Record, Comaro Chronicle, Southern Courier and Get it Joburg South Magazine.
Remember to visit our Facebook, Twitter and Instagram pages. You can also email our offices on cvdwalt@caxton.co.za, juliem@caxton.co.za or luckyt@caxton.co.za
Add us on WhatsApp today! Comaro Chronicle: 079 427 8074 and Southern Courier: 079 404 5789.
Get regular news updates sent directly to your inbox: Newsletter-Signup