EDDY en Mabel Hulley het onlangs hul 50ste huweliksherdenking op 15 Junie gevier. Die paartjie is in 1968 in Maraisburg getroud.
Mabel werk tans as ’n babaskool juffrou by Creative Academy.
Eddy en Mabel het drie kinders in hul huwelik grootgemaak. Hulle is ook oupa en ouma vir vier kleinkinders en spog ook met ’n agterkleinkind.
“Ons wil graag ons geheim tot sukses met ander getroude pare deel. Wees altyd verlief op, nie net lief vir, jou huweliksmaat,” het Mabel gesê.
“Baie geduld en eerlikheid is belangrik. Doen die klein goed, al is dit net om my sjokolade met hom te deel en hy sy biltong met my.”
Verdere advies wat Mabel aan paartjies gee wat hulle uit hulle eie huwelik geleer het is om altyd jou huweliksmaat vry te laat voel.
“Moet nie jou maat laat voel of hul in ’n hok gedruk is nie,” het sy gesê.
“Neem jul besluite saam, groot of klein. Gun elkeen sy eie besluit en deel dit dan met mekaar. Moet nooit kwaad gaan slaap nie. Belangrikste is glo altyd in mekaar.”
Laastens het Mabel die belangrikheid daarvan om God te ken in hul huwelik uitgewys.
For free daily local news in the south, visit our sister newspapers Alberton Record, Comaro Chronicle, Southern Courier and Get it Joburg South Magazine.
Remember to visit our Facebook, Twitter and Instagram pages. You can also email our offices on cvdwalt@caxton.co.za, juliem@caxton.co.za or luckyt@caxton.co.za
Add us on WhatsApp today! Comaro Chronicle: 079 427 8074 and Southern Courier: 079 404 5789.