ALLIE-LEERDERS se harte is stukkend nadat dié skool op Maandag, 10 April, die nuus van Lizaan Badenhorst (17) se skielike dood ontvang het.
Die skool het die volgende geskryf, “Lizaan Badenhorst, ‘n Graad 12-leerder, is laat vanmiddag (10 April) oorlede. Innige simpatie aan Lizaan se ouers, familie en vriende. Ons bid dat ons Liewe Heer u sal vertroos in hierdie baie hartseer tyd.”
Lizaan was ’n Graad 12 leerling van die skool en volgens die boodskappe op sosiale media, was sy baie geliefd. Janet Badenhorst, ma van Lizaan, het aan die REKORD vertel dat haar dogter voluit gelewe het.
“Sy was ’n beeldskone dogter met ’n borrelende en sprankelende persoonlikheid. ’n Meisie wat lief was vir sport en vir enige iets lekkers, veral ‘n roomys,” het ’n huilende ma gesê.
Lizaan het ook baie van netbal en tennis gehou, en sy het ook graag in haar vrye tyd geoefen by die gym. Sy was op 30 Augustus 1999 in Primrose gebore. Volgens Janet bly hulle nou al vir agt jaar lank op Alberton en het Lizaan haar Laerskoolloopbaan by Laerskool President Steyn voltooi.
“Ek het net verlede week vir haar aansoek gedoen by Pukke (Universiteit van Noordwes) sodat sy volgende jaar daar kon gaan leer het. Sy was so opgewonde oor dit,” het haar ma gesê.
Haar ma het ook gesê dat sy stomgeslaan is oor hoe baie mense Lizaan geken het en oor hoeveel boodskappe daar vir haar op haar Facebook-blad gelaat is.
Lizaan se begrafnis vind op Vrydag, 21 April om 10.00 vanuit die Hervormde kerk Seester gemeente op die hoek van Nasturtium- en Evastraat in Brackenhurst plaas.
Die donkerkop dogter laat haar pa (Frans), ma (Janet), ouer suster (Janijke), vriende en familie agter.
Hier is van die boodskappe wat vriende en vriendinne op haar Facebook-blad gelaat het:
- “Liefste Lizaan Badenhorst jy gaan definitief gemis word!!! Ons rek kinders is baie lief vir jou en jy sal gemis word, jy was een ongelooflik unieke persoon met ‘n groot hart. Rus in vrede!! Mooie mensie baie liefde Vir jou.” – Jeandri Wilson
- “My sussievriendin Lizaan Badenhorst, Om jou daar te sien lê en die gedagte dat ek niks kon doen om jou te laat glimlag nie… Woorde kan nie beskryf hoe seer dit was nie.” “Jy’t sooooo vinnig en so diep in my hart gekruip. Jy’t deel van my geraak in my dag tot dag. Jy’t my maak lag op dae wat ek gedink het alles gaan net donker wees, het jy weer dit lig gemaak. Liz ek sal jou vir altyd onthou en jou glimlag sal by my bly tot ons mekaar eendag weer ontmoet… Ek kani ‘n lewe sonder jou dink nie, maar ek hoef nie want jys reg hier by my!”Jy’s ‘n vriendin werd en jy het soveel harte aangeraak en daarvoor sal jou onthou word… Jesus beplan iets vir jou onbeskryflik want Hy het jou nodig gehad. Hy het gesien dat dit wat op jou pad wag kom nie naby by dit wat Hy vir jou beplan het nie. Hy het jou nodig nou!”Ek weet met jou in my hart sal ek baie dinge bereik in my lewe want jy het ‘n groot impak op my lewe gemaak ! Ek sal verewig dankbaar wees.”Maar rus nou saggies in Jesus se arms my pragtige vriendin. Eks oneindig baie lief vir jou.’Tot ons weer ontmoet.” – Sherie Louw
- “Rus Sag Liefste Lizaan Badenhorst. Jy sal gemis Word. Dankie vir al die memories.” – Chardi Van Tonder
For free daily local news in the south, visit our sister newspapers Alberton Record, Comaro Chronicle, Southern Courier and Get it Joburg South Magazine.
Remember to visit our Facebook, Twitter and Instagram pages. You can also email our offices on cvdwalt@caxton.co.za, juliem@caxton.co.za or luckyt@caxton.co.za
Add us on WhatsApp today! Alberton Record: 060 644 5264 Comaro Chronicle: 079 427 8074 and Southern Courier: 079 404 5789.
