Afrikaanse Toastmasters Alberton gaan groen

DIE Afrikaanse Toastmasters Alberton gaan groen!

Hul gasspreker Elizabeth van der Merwe het opdrag gekry om ’n groen huis te bou. Sy is vrou-alleen die Natalse platteland in om met die leiers te onderhandel vir sand, water en wat sy ookal nodig gehad het. Daar het sy van plaaslike arbeid gebruik gemaak en talle mense is opgelei om haar met die projek te help.

Elizabeth is ’n raakvatter en ’n planmaker, en om so sonder elektrisiteit en lopende water te leef was geen grap nie. Kom luister na haar en ander sprekers by Afrikaanse Toastmasters Alberton.

Die vergadering vind Donderdagaand, 28 Januarie, om 18:30 vir 19:00 plaas by die NG Kerk South Crest, hoek van Basson- en Jan Meyerstraat in South Crest, Alberton.

Vir enige verdere inligting, kontak Marchárl Jankowitz, skakelbeampte vir Afrikaanse Toastmasters in Alberton, by 063 217 3653 of Adri Rothmann, voorsitter van die klub, by 072 686 3549.